Upplýsingavefurinn er þannig upp byggður að dregnar eru fram staðtölur úr Jarða-, Þjóð- og Fyrirtækjaskrá. Til að flokka upplýsingarnar er horft til sveitarfélagana í landinu og þau skoðuð hvert fyrir sig eða þau borin saman. Sem dæmi er hægt að skoða fjölda lögbýlisjarða í einstökum sveitarfélögum fjölda einstaklinga og fjölda fyrirtækja. Upplýsingarnar eru ætíð nýjar og taka mið af gögnum Hagstofunnar á þeim tíma þegar fyrirspurnin er gerð.
Þær upplýsingar sem hægt er að skoða um einstaklinga eru t.d. fjöldi einstaklinga á landinu öllu, aldurs- og kynjaskipting, þessar upplýsingar er einnig hægt að fá fyrir sérhvert sveitarfélag. Einnig er hægt að kalla fram fjölda þeirra sem hafa látist á árinu og skiptingu þeirra eftir aldri, kyni og sveitarfélagi.
Hægt er að fá upplýsingar um fjölda fyrirtækja á landinu öllu, samkvæmt Fyrirtækjaskrá, skiptingu þeirra eftir ÍSAT-númerum og fjölda í einstökum sveitarfélögum. Þá er hægt að sjá þau fyrirtæki sem hafa hætt starfsemi og er þá tekið mið af því ef Hagstofan geymir ekki lengur upplýsingar um þau.
